Top Sher Of Mirza Ghalib

Top Sher Of Mirza Ghalib

Top Sher Of Mirza Ghalib

 

na ba.ndhe tishnagi-e-zauq ke mazmuu.n ‘Gaalib’
garche dil khol ke dariyaa ko bhii saahil baa.ndhaa

muzmahil ho ga.e qavaa Gaalib
vo anaasir me.n e’tidaal kahaa.n

‘Gaalib’ apnaa ye aqiida hai ba-qaul-e-‘naasiKH’
aap be-bahra hai jo mo’taqid-e-‘miir’ nahii.n

saadiq huu.n apne qaul kaa ‘Gaalib’ KHudaa gavaah
kahtaa huu.n sach ki jhuuT kii aadat nahii.n mujhe

kahaa.n mai-KHaane kaa darvaaza ‘Gaalib’ aur kahaa.n vaa.iz
par itnaa jaante hai.n kal vo jaataa thaa ki ham nikle

be-KHudii be-sabab nahii.n ‘Gaalib’
kuchh to hai jis kii parda-daarii hai

bas-ki huu.n ‘Gaalib’ asiirii me.n bhii aatish zer-e-paa
muu-e-aatish diida hai halqa mirii zanjiir kaa

ishq par zor nahii.n hai ye vo aatish ‘Gaalib’
ki lagaa.e na lage aur bujhaa.e na bane

haif us chaar girah kap.De kii qismat ‘Gaalib’
jis kii qismat me.n ho aashiq kaa girebaa.n honaa

aa.e hai bekasii-e-ishq pe ronaa ‘Gaalib’
kis ke ghar jaa.egaa sailaab-e-balaa mere ba.ad

qayaamat hai ki hove mudda.ii kaa ham-safar ‘Gaalib’
vo kaafir jo KHudaa ko bhii na sau.npaa jaa.e hai mujh se

jab tavaqqo.a hii uTh ga.ii ‘Gaalib’
kyuu.n kisii kaa gila kare ko.ii

tuu ne qasam mai-kashii kii khaa.ii hai ‘Gaalib’
terii qasam kaa kuchh e’tibaar nahii.n hai

‘Gaalib’ na kar huzuur me.n tuu baar baar arz
zaahir hai teraa haal sab un par kahe baGair

zindagii apnii jab is shakl se guzrii ‘Gaalib’
ham bhii kyaa yaad kare.nge ki KHudaa rakhte the


tahriir hai ye ‘Gaalib’-e-yazdaa.n-parast kii
taariiKH us kii aaj nauvii.n hai august kii

‘Gaalib’ hame.n na chhe.D ki phir josh-e-ashk se
baiThe hai.n ham tahayya-e-tuufaa.n kiye hu.e

‘Gaalib’ buraa na maan jo vaa.iz buraa kahe
aisaa bhii ko.ii hai ki sab achchhaa kahe.n jise

rakhiyo ‘Gaalib’ mujhe is talKH-navaa.ii me.n mu.aaf
aaj kuchh dard mire dil me.n sivaa hotaa hai

thii KHabar garm ki ‘Gaalib’ ke u.De.nge purze
dekhne ham bhii ga.e the pa tamaashaa na hu.aa


jo had-e-taqvaa adaa na hove to apnaa maz.hab yahii hai ‘Gaalib’
havas na rah jaa.e ko.ii baaqii gunaah kiije to KHuub kiije

ye masaa.il-e-tasavvuf ye tiraa bayaan ‘Gaalib’
tujhe ham valii samajhte jo na baada-KHvaar hotaa

aa hii jaataa vo raah par ‘Gaalib’
ko.ii din aur bhii jiye hote

adaa-e-KHaas se ‘Gaalib’ hu.aa hai nukta-saraa
salaa-e-aam hai yaaraan-e-nukta-daa.n ke liye

us anjuman-e-naaz kii kyaa baat hai ‘Gaalib’
ham bhii ga.e vaa.n aur tirii taqdiir ko ro aa.e

mai.n bhalaa kab thaa suKHan-go.ii pe maa.il ‘Gaalib’
ne kii ye tamannaa ke bane fan meraa

banaa kar faqiiro.n kaa ham bhes ‘Gaalib’
tamaashaa-e-ahl-e-karam dekhte hai.n

ishq ne ‘Gaalib’ nikammaa kar diyaa
varna ham bhii aadmii the kaam ke

ho chukii.n ‘Gaalib’ balaa.e.n sab tamaam
ek marg-e-naa-gahaanii aur hai

kaaba kis mu.nh se jaa.oge ‘Gaalib’
sharm tum ko magar nahii.n aatii

taab laa.e hii banegii ‘Gaalib’
vaaqi.a saKHt hai aur jaan aziiz

mai.n ne maanaa ki kuchh nahii.n ‘Gaalib’
muft haath aa.e to buraa kyaa hai

‘Gaalib’ tiraa ahvaal sunaa de.nge ham un ko
vo sun ke bulaa le.n ye ijaaraa nahii.n karte

puuchhte hai.n vo ki ‘Gaalib’ kaun hai
ko.ii batlaa.o ki ham batlaa.e.n kyaa

‘Gaalib’ kaa nahii.n vahii ye tasliim magar
ba-KHudaa tum hii bataa do nahii.n lagtaa ilhaam

vo tabassum hai ki ‘Gaalib’ kii tarah-daar Gazal
der tak us kii balaaGat ko pa.Dhaa karte hai.n

AALE AHMAD SUROOR

‘Gaalib’ vo shaKHs thaa hama-daa.n jis ke faiz se
ham se hazaar hech-madaa.n naamvar hu.e

HARGOPAL TUFTA

reKHte ke tumhii.n ustaad nahii.n ho ‘Gaalib’
kahte hai.n agle zamaane me.n ko.ii ‘miir’ bhii thaa

dil me.n phir girye ne ik shor uThaayaa ‘Gaalib’
aah jo qatra na niklaa thaa so tuufaa.n niklaa

hogaa ko.ii aisaa bhii ki ‘Gaalib’ ko na jaane
shaa.ir to vo achchhaa hai pa badnaam bahut hai

‘Gaalib’ tirii zamiin pe likkhii to hai Gazal
tere qad-e-suKHan ke baraabar nahii.n huu.n mai.n

UNKNOWN

hu.ii muddat ki ‘Gaalib’ mar gayaa par yaad aataa hai
vo har ik baat par kahnaa ki yuu.n hotaa to kyaa hotaa

Gaalib aur miirzaa ‘yagaanaa’ kaa
aaj kyaa faisla kare ko.ii

YAGANA CHANGEZI

‘saaz’ jab khulaa ham par ko.ii ‘Gaalib’ kaa
ham ne goyaa baatin kaa ik suraaG saa paayaa

ABDUL AHAD SAAZ

‘Gaalib’-e-daanaa se puuchho ishq me.n pa.D kar saliim
ek ma.aquul aadmii kaise nikammaa ho gayaa

SARDAR SALEEM

‘Gaalib’ chhuTii sharaab par ab bhii kabhii kabhii
piitaa huu.n roz-e-abr o shab-e-maahtaab me.n

saath ‘Gaalib’ ke ga.ii fikr kii gahraa.ii bhii
aur lahja bhii gayaa ‘miir-taqii-miir’ ke saath

RAJESH REDDY

‘Gaalib’-e-KHasta ke baGair kaun se kaam band hai.n
ro.iye zaar zaar kyaa kiijiye haa.e haa.e kyuu.n

zulm par zulm aa ga.e Gaalib
aable aablo.n ko chho.D ga.e

MANZAR LAKHNAVI

ab na ‘Gaalib’ se shikaayat hai na shikva ‘miir’ kaa
ban gayaa mai.n bhii nishaana reKHta ke tiir kaa

MOHAMMAD ALVI

ganjiina-e-ma.anii kaa tilism us ko samajhiye
jo lafz ki ‘Gaalib’ mire ash.aar me.n aave


mai-kashii ko na samajh be-haasil
baada ‘Gaalib’ araq-e-bed nahii.n

kuchh to pa.Dhiye ki log kahte hai.n
aaj ‘Gaalib’ Gazal-saraa na hu.aa

hu.aa hai shah kaa musaahib phire hai itraataa
vagarna shahr me.n ‘Gaalib’ kii aabruu kyaa hai

hai.n aur bhii duniyaa me.n suKHan-var bahut achchhe
kahte hai.n ki ‘Gaalib’ kaa hai andaaz-e-bayaa.n aur

aate hai.n Gaib se ye mazaamii.n KHayaal me.n
‘Gaalib’ sariir-e-KHaama navaa-e-sarosh hai

ham kahaa.n ke daanaa the kis hunar me.n yaktaa the
be-sabab hu.aa ‘Gaalib’ dushman aasmaa.n apnaa

haamii bhii na the munkir-e-‘Gaalib’ bhii nahii.n the
ham ahl-e-tazabzub kisii jaanib bhii nahii.n the

IFTIKHAR ARIF

jo ye kahe ki reKHta kyuu.nke ho rashk-e-faarsii
gufta-e-‘Gaalib’ ek baar pa.Dh ke use sunaa ki yuu.n

ham ko ma.aluum hai jannat kii haqiiqat lekin
dil ke KHush rakhne ko ‘Gaalib’ ye KHayaal achchhaa hai


mile do murshido.n ko qudrat-e-haq se hai.n do taalib
nizaamuddiin ko KHusrav siraajuddiin ko Gaalib

janaab-e-‘kaif’ ye dillii hai ‘miir’ o ‘Gaalib’ kii
yahaa.n kisii kii taraf-daariyaa.n nahii.n chaltii.n

KAIF BHOPALI

ham-asro.n me.n ye chhe.D chalii aa.ii hai ‘az.har’
yaa.n ‘zauq’ ne ‘Gaalib’ ko bhii Gaalib nahii.n samjhaa

AZHAR INAYATI

aksar mire o.n kii sanaa karte rahe hai.n
vo log jo Gaalib ke taraf-daar nahii.n hai.n

TALEEF HAIDAR

‘arriib’ dekho na itraa.o chand o.n par
Gazal vo fan hai ki ‘Gaalib’ ko tum salaam karo

SULAIMAN AREEB

iqraar me.n kahaa.n hai inkaar kii sii suurat
hotaa hai shauq Gaalib us kii nahii.n nahii.n par

MEER TAQI MEER

‘haalii’ suKHan me.n ‘sheftaa’ se mustafiid hai
‘Gaalib’ kaa mo’taqid hai muqallid hai ‘miir’ kaa

ALTAF HUSSAIN HALI

sirf zafar ‘taabish’ hai.n ham
‘Gaalib’ ‘miir’ na ‘haalii’ hai.n

ZAFAR TABISH

qismat ke baazaar se bas ik chiiz hii to le sakte the
tum ne taaj uThaayaa mai.n ne ‘Gaalib’ kaa diivaan liyaa

SYED NASEER SHAH

tum ko da.avaa hai suKHan-fahmii kaa
jaa.o ‘Gaalib’ ke taraf-daar bano

ADIL MANSURI

ra.ng laa.egii hamaarii ta.ng-dastii ek din
misl-e-Gaalib ‘shaad’ gar sab kuchh udhaar aataa gayaa

SHAAD AARFI

ko.ii ummiid bar nahii.n aatii
ko.ii suurat nazar nahii.n aatii

chaahiye achchho.n ko jitnaa chaahiye
ye agar chaahe.n to phir kyaa chaahiye

Galatii-haa-e-mazaamii.n mat puuchh
log naale ko rasaa baa.ndhte hai.n

ko.ii viiraanii sii viiraanii hai
dasht ko dekh ke ghar yaad aayaa

ibn-e-maryam hu.aa kare ko.ii
mere dukh kii davaa kare ko.ii

tum salaamat raho hazaar baras
har baras ke ho.n din pachaas hazaar

bosa kaisaa yahii Ganiimat hai
ki na samjhe vo lazzat-e-dushnaam

kab vo suntaa hai kahaanii merii
aur phir vo bhii zabaanii merii

zindagii yuu.n bhii guzar hii jaatii
kyuu.n tiraa raahguzar yaad aayaa

na suno gar buraa kahe ko.ii
na kaho gar buraa kare ko.ii

marte hai.n aarzuu me.n marne kii
maut aatii hai par nahii.n aatii

huu.n giraftaar-e-ulfat-e-sayyaad
varna baaqii hai taaqat-e-parvaaz

ham bhii tasliim kii KHuu Daale.nge
be-niyaazii tirii aadat hii sahii

tuu aur aaraa.ish-e-KHam-e-kaakul
mai.n aur andesha-haa-e-duur-daraaz

qat.a kiije na ta.alluq ham se
kuchh nahii.n hai to adaavat hii sahii

gunjaa.ish-e-adaavat-e-aGyaar yak taraf
yaa.n dil me.n zof se havas-e-yaar bhii nahii.n

maut kaa ek din mu.ayyan hai
niind kyuu.n raat bhar nahii.n aatii

jaan tum par nisaar kartaa huu.n
mai.n nahii.n jaantaa du.aa kyaa hai

tamaashaa ki ai mahv-e-aa.iina-daarii
tujhe kis tamannaa se ham dekhte hai.n

kyaa vo namruud kii KHudaa.ii thii
bandagii me.n miraa bhalaa na hu.aa

ishq mujh ko nahii.n vahshat hii sahii
merii vahshat tirii shohrat hii sahii

dard minnat-kash-e-davaa na hu.aa
mai.n na achchhaa hu.aa buraa na hu.aa

jam.a karte ho kyuu.n raqiibo.n ko
ik tamaashaa hu.aa gila na hu.aa

chaahte hai.n KHuub-ruuyo.n ko ‘asad’
aap kii suurat to dekhaa chaahiye

jahaa.n teraa naqsh-e-qadam dekhte hai.n
KHayaabaa.n KHayaabaa.n iram dekhte hai.n

dil-e-naadaa.n tujhe hu.aa kyaa hai
aaKHir is dard kii davaa kyaa hai

baaziicha-e-atfaal hai duniyaa mire aage
hotaa hai shab-o-roz tamaashaa mire aage

baat par vaa.n zabaan kaTtii hai
vo kahe.n aur sunaa kare ko.ii

phir mujhe diida-e-tar yaad aayaa
dil jigar tishna-e-fariyaad aayaa

e’tibaar-e-ishq kii KHaana-KHaraabii dekhnaa
Gair ne kii aah lekin vo KHafaa mujh par hu.aa

aashiqii sabr-talab aur tamannaa betaab
dil kaa kyaa ra.ng karuu.n KHuun-e-jigar hote tak

vaa.iz na tum piyo na kisii ko pilaa sako
kyaa baat hai tumhaarii sharaab-e-tuhuur kii

phir usii bevafaa pe marte hai.n
phir vahii zindagii hamaarii hai

Gair le.n mahfil me.n bose jaam ke
ham rahe.n yuu.n tishna-lab paiGaam ke

hai kaa.enaat ko harakat tere zauq se
partav se aaftaab ke zarre me.n jaan hai


tum salaamat raho qayaamat tak
daulat-o-izz-o-jaah roz-afzuu.n

rahmat agar qubuul kare kyaa ba.iid hai
sharmindagii se uzr na karnaa gunaah kaa

zindagaanii me.n sabhii ra.ng the mahruumii ke
tujh ko dekhaa to mai.n ehsaas-e-ziyaa.n se niklaa

GHALIB AYAZ

raat din gardish me.n hai.n saat aasmaa.n
ho rahegaa kuchh na kuchh ghabraa.e.n kyaa

jab ki tujh bin nahii.n ko.ii maujuud
phir ye ha.ngaama ai KHudaa kyaa hai

agar Gaflat se baaz aayaa jafaa kii
talaafii kii bhii zaalim ne to kyaa kii

tumhaare dar se uThaa.e ga.e malaal nahii.n
vahaa.n to chho.D ke aa.e hai.n ham Gubaar apnaa

GHALIB AYAZ

tamaam umr use chaahnaa na thaa mumkin
kabhii kabhii to vo is dil pe baar ban ke rahaa

GHALIB AYAZ

baar-haa dekhii hai.n un kii ranjishe.n
par kuchh ab ke sargiraanii aur hai

phir yahii rut ho ain mumkin hai
par tiraa intizaar ho ki na ho

GHALIB AYAZ

saat jildo.n kaa parcel pahu.nchaa
vaah kyaa KHuub bar-mahal pahu.nchaa

aatish-e-dozaKH me.n ye garmii kahaa.n
soz-e-Gam-haa-e-nihaanii aur hai


piir-o-murshid mu.aaf kiijiyegaa
mai.n ne jamunaa kaa kuchh na likkhaa haal

jaantaa huu.n savaab-e-taa.at-o-zohd
par tabii.at idhar nahii.n aatii

nashsha-e-ra.ng se hai vaashud-e-gul
mast kab band-e-qabaa baa.ndhte hai.n

kyuu.nkar us but se rakhuu.n jaan aziiz
kyaa nahii.n hai mujhe iimaan aziiz

mai.n ne majnuu.n pe la.Dakpan me.n ‘asad’
sa.ng uThaayaa thaa ki sar yaad aayaa

teshe baGair mar na sakaa kohkan ‘asad’
sargashta-e-KHumaar-e-rusuum-o-quyuud thaa

jazba-e-be-iKHtiyaar-e-shauq dekhaa chaahiye
siina-e-shamshiir se baahar hai dam shamshiir kaa

naakaami-e-nigaah hai barq-e-nazaaraa-soz
tuu vo nahii.n ki tujh ko tamaashaa kare ko.ii

sabza o gul kahaa.n se aa.e hai.n
abr kyaa chiiz hai havaa kyaa hai

ik KHuu.n-chakaa.n kafan me.n karo.Do.n banaa.o hai.n
pa.Dtii hai aa.nkh tere shahiido.n pe huur kii

kitne shiirii.n hai.n tere lab ki raqiib
gaaliyaa.n khaa ke be-mazaa na hu.aa

umr bhar dekhaa kiye marne kii raah
mar ga.e par dekhiye dikhlaa.e.n kyaa

munhasir marne pe ho jis kii umiid
naa-umiidii us kii dekhaa chaahiye

mai.n bhii mu.nh me.n zabaan rakhtaa huu.n
kaash puuchho ki mudda.aa kyaa hai

aage aatii thii haal-e-dil pe ha.nsii
ab kisii baat par nahii.n aatii

dam liyaa thaa na qayaamat ne hanuuz
phir tiraa vaqt-e-safar yaad aayaa

har bul-havas ne husn-parastii shi.aar kii
ab aabruu-e-sheva-e-ahl-e-nazar ga.ii

merii qismat me.n Gam gar itnaa thaa
dil bhii yaa-rab ka.ii diye hote

hai KHabar garm un ke aane kii
aaj hii ghar me.n boriyaa na hu.aa

vidaa.a o vasl me.n hai.n lazzate.n judaagaana
hazaar baar tuu jaa sad-hazaar baar aa jaa

ham hai.n mushtaaq aur vo be-zaar
yaa ilaahii ye maajraa kyaa hai

kaun hai jo nahii.n hai haajat-mand
kis kii haajat ravaa kare ko.ii

pinhaa.n thaa daam-e-saKHt qariib aashiyaan ke
u.Dne na paa.e the ki giraftaar ham hu.e

mai.n aur sad-hazaar navaa-e-jigar-KHaraash
tuu aur ek vo naa-shuniidan ki kyaa kahuu.n

letaa nahii.n mire dil-e-aavaara kii KHabar
ab tak vo jaantaa hai ki mere hii paas hai

jaan dii dii hu.ii usii kii thii
haq to yuu.n hai ki haq adaa na hu.aa

kahte hai.n jiite hai.n ummiid pe log
ham ko jiine kii bhii ummiid nahii.n

havas ko hai nashaat-e-kaar kyaa kyaa
na ho marnaa to jiine kaa mazaa kyaa

had chaahiye sazaa me.n uquubat ke vaaste
aaKHir gunaahgaar huu.n kaafar nahii.n huu.n mai.n

na sataa.ish kii tamannaa na sile kii parvaa
gar nahii.n hai.n mire ash.aar me.n ma.anii na sahii

thaa zindagii me.n marg kaa khaTkaa lagaa hu.aa
u.Dne se pesh-tar bhii miraa ra.ng zard thaa

bahut dino.n me.n taGaaful ne tere paidaa kii
vo ik nigah ki ba-zaahir nigaah se kam hai

jaate hu.e kahte ho qayaamat ko mile.nge
kyaa KHuub qayaamat kaa hai goyaa ko.ii din aur

dair nahii.n haram nahii.n dar nahii.n aastaa.n nahii.n
baiThe hai.n rahguzar pe ham Gair hame.n uThaa.e kyuu.n

nazzaare ne bhii kaam kiyaa vaa.n naqaab kaa
mastii se har nigah tire ruKH par bikhar ga.ii

maze jahaan ke apnii nazar me.n KHaak nahii.n
sivaa.e KHuun-e-jigar so jigar me.n KHaak nahii.n

apnii hastii hii se ho jo kuchh ho
aagahii gar nahii.n Gaflat hii sahii

saa.e kii tarah saath phire.n sarv o sanobar
tuu is qad-e-dilkash se jo gulzaar me.n aave

hariif-e-matlab-e-mushkil nahii.n fusuun-e-niyaaz
du.aa qubuul ho yaa rab ki umr-e-KHizr daraaz!


ko.ii is kaa javaab do saahab
saa.ilo.n kaa savaab lo saahab

kahte hu.e saaqii se hayaa aatii hai varna
hai yuu.n ki mujhe durd-e-tah-e-jaam bahut hai

aah ko chaahiye ik umr asar hote tak
kaun jiitaa hai tirii zulf ke sar hote tak

Dhaa.npaa kafan ne daaG-e-uyuub-e-barahnagii
mai.n varna har libaas me.n na.ng-e-vajuud thaa

aa.iina kyuu.n na duu.n ki tamaashaa kahe.n jise
aisaa kahaa.n se laa.uu.n ki tujh saa kahe.n jise

kaafii hai nishaanii tiraa chhalle kaa na denaa
KHaalii mujhe dikhlaa ke ba-vaqt-e-safar a.ngusht

KHat likhe.nge garche matlab kuchh na ho
ham to aashiq hai.n tumhaare naam ke

marte marte dekhne kii aarzuu rah jaa.egii
vaa.e naakaamii ki us kaafir kaa KHanjar tez hai


diram-o-daam apne paas kahaa.n
chiil ke gho.nsle me.n maas kahaa.n

ishq se tabii.at ne ziist kaa mazaa paayaa
dard kii davaa paa.ii dard-e-be-davaa paayaa

muddat hu.ii hai yaar ko mehmaa.n kiye hu.e
josh-e-qadah se bazm charaaGaa.n kiye hu.e

hai kahaa.n tamannaa kaa duusraa qadam yaa rab
ham ne dasht-e-imkaa.n ko ek naqsh-e-paa paayaa

ham vahaa.n hai.n jahaa.n se ham ko bhii
kuchh hamaarii KHabar nahii.n aatii

phir dekhiye andaaz-e-gul-afshaanii-e-guftaar
rakh de ko.ii paimaana-e-sahbaa mere aage

ra.ngo.n kii baarisho.n se dhundlaa gayaa hai manzar
aayaa hu.aa hai ko.ii tuufaan aa.ine me.n

GHALIB IRFAN

dost Gam-KHvaarii me.n merii sa.ii farmaave.nge kyaa
zaKHm ke bharte talak naaKHun na ba.Dh jaave.nge kyaa

ek ha.ngaame pe mauquuf hai ghar kii raunaq
nauha-e-Gam hii sahii naGma-e-shaadii na sahii

qatra apnaa bhii haqiiqat me.n hai dariyaa lekin
ham ko taqliid-e-tunuk-zarfi-e-mansuur nahii.n


valii-ahdii me.n shaahii ho mubaarak
inaayaat-e-ilaahii ho mubaarak

aagahii daam-e-shuniidan jis qadar chaahe bichhaa.e
mudda.aa anqaa hai apne aalam-e-taqriir kaa

likhte rahe junuu.n kii hikaayaat-e-KHuu.n-chakaa.n
har-chand is me.n haath hamaare qalam hu.e

kis se mahruumii-e-qismat kii shikaayat kiije
ham ne chaahaa thaa ki mar jaa.e.n so vo bhii na hu.aa

tire javaahir-e-tarf-e-kulah ko kyaa dekhe.n
ham auj-e-taala-e-laal-o-gohar ko dekhte hai.n

na gul-e-naGma huu.n na parda-e-saaz
mai.n huu.n apnii shikast kii aavaaz

hai mushtamil numuud-e-suvar par vajuud-e-bahar
yaa.n kyaa dharaa hai qatra o mauj-o-habaab me.n

har-chand ho mushaahida-e-haq kii guftuguu
bantii nahii.n hai baada-o-saaGar kahe baGair

arz-e-niyaaz-e-ishq ke qaabil nahii.n rahaa
jis dil pe naaz thaa mujhe vo dil nahii.n rahaa

hai aadmii bajaa.e KHud ik mahshar-e-KHayaal
ham anjuman samajhte hai.n KHalvat hii kyuu.n na ho

aaj ham apnii pareshaani-e-KHaatir un se
kahne jaate to hai.n par dekhiye kyaa kahte hai.n

hai par-e-sarhad-e-idraak se apnaa masjuud
qible ko ahl-e-nazar qibla-numaa kahte hai.n

har qadam duuri-e-manzil hai numaayaa.n mujh se
merii raftaar se bhaage hai bayaabaa.n mujh se

dil-e-har-qatra hai saaz-e-anal-bahar
ham us ke hai.n hamaaraa puuchhnaa kyaa

shaahid-e-hastii-e-mutlaq kii kamar hai aalam
log kahte hai.n ki hai par hame.n manzuur nahii.n

go mai.n rahaa rahiin-e-sitam-haa-e-rozgaar
lekin tire KHayaal se Gaafil nahii.n rahaa

dil ko niyaaz-e-hasrat-e-diidaar kar chuke
dekhaa to ham me.n taaqat-e-diidaar bhii nahii.n

ahl-e-biinash ko hai tuufaan-e-havaadis maktab
lutma-e-mauj kam az saili-e-ustaad nahii.n

zamaana saKHt kam-aazaar hai ba-jaan-e-asad
vagarna ham to tavaqqo zyaada rakhte hai.n

ishrat-e-qatra hai dariyaa me.n fanaa ho jaanaa
dard kaa had se guzarnaa hai davaa ho jaanaa

bahraa huu.n mai.n to chaahiye duunaa ho iltifaat
suntaa nahii.n huu.n baat mukarrar kahe baGair

ek ek qatre kaa mujhe denaa pa.Daa hisaab
KHuun-e-jigar vadii.at-e-mizhgaan-e-yaar thaa

de mujh ko shikaayat kii ijaazat ki sitamgar
kuchh tujh ko maza bhii mire aazaar me.n aave

sunte hai.n jo bahisht kii taariif sab durust
lekin KHudaa kare vo tiraa jalva-gaah ho

tujh se to kuchh kalaam nahii.n lekin ai nadiim
meraa salaam kahiyo agar naama-bar mile

rago.n me.n dau.Dte phirne ke ham nahii.n qaa.il
jab aa.nkh hii se na Tapkaa to phir lahuu kyaa hai

aur baazaar se le aa.e agar TuuT gayaa
saaGar-e-jam se miraa jaam-e-sifaal achchhaa hai

hastii ke mat fareb me.n aa jaa.iyo ‘asad’
aalam tamaam halqa-e-daam-e-KHayaal hai

nisyah-o-naqd-e-do-aalam kii haqiiqat maaluum
le liyaa mujh se mirii himmat-e-aalii ne mujhe

hai kuchh aisii hii baat jo chup huu.n
varna kyaa baat kar nahii.n aatii

dekhiye paate hai.n ushshaaq buto.n se kyaa faiz
ik barahman ne kahaa hai ki ye saal achchhaa hai

havaa ke ho.nT khule.n saa.at-e-kalaam to aa.e
ye ret jaisaa badan aa.ndhiyo.n ke kaam to aa.e

GHALIB AYAZ

siikhe hai.n mah-ruKHo.n ke liye ham musavvarii
taqriib kuchh to bahr-e-mulaaqaat chaahiye

bak rahaa huu.n junuu.n me.n kyaa kyaa kuchh
kuchh na samjhe KHudaa kare ko.ii

jaanaa pa.Daa raqiib ke dar par hazaar baar
ai kaash jaantaa na tire rah-guzar ko mai.n

ham us ke jabr kaa qissa tamaam chaahte hai.n
aur us kii teG hamaaraa zavaal chaahtii hai

GHALIB AYAZ

pii jis qadar mile shab-e-mahtaab me.n sharaab
is balGamii-mizaaj ko garmii hii raas hai

kare hai qatl lagaavaT me.n teraa ro denaa
tirii tarah ko.ii teG-e-nigah ko aab to de

bas-ki dushvaar hai har kaam kaa aasaa.n honaa
aadmii ko bhii mayassar nahii.n insaa.n honaa

raat pii zamzam pe mai aur sub.h-dam
dho.e dhabbe jaama-e-ehraam ke

khultaa kisii pe kyuu.n mire dil kaa mo.aamla
o.n ke intiKHaab ne rusvaa kiyaa mujhe

zo.af se girya mubaddal ba-dam-e-sard hu.aa
baavar aayaa hame.n paanii kaa havaa ho jaanaa

zahr miltaa hii nahii.n mujh ko sitamgar varna
kyaa qasam hai tire milne kii ki khaa bhii na sakuu.n

ham ko un se vafaa kii hai ummiid
jo nahii.n jaante vafaa kyaa hai

mai.n naa-muraad dil kii tasallii ko kyaa karuu.n
maanaa ki tere ruKH se nigah kaamyaab hai


haatif-e-Gaib sun ke ye chiiKHaa
un kii taariiKH meraa taariiKHaa

haa.n ai falak-e-piir javaa.n thaa abhii aarif
kyaa teraa biga.Dtaa jo na martaa ko.ii din aur

ham ne maanaa ki taGaaful na karoge lekin
KHaak ho jaa.e.nge ham tum ko KHabar hote tak

rau me.n hai raKHsh-e-umr kahaa.n dekhiye thame
ne haath baag par hai na paa hai rikaab me.n

apnaa nahii.n ye sheva ki aaraam se baiThe.n
us dar pe nahii.n baar to ka.abe hii ko ho aa.e

aashiq huu.n pa maashuuq-farebii hai miraa kaam
majnuu.n ko buraa kahtii hai lailaa mire aage

shoriidgii ke haath se hai sar vabaal-e-dosh
sahraa me.n ai KHudaa ko.ii diivaar bhii nahii.n

KHudaayaa jazba-e-dil kii magar taasiir ulTii hai
ki jitnaa khii.nchtaa huu.n aur khi.nchtaa jaa.e hai mujh se

jis zaKHm kii ho saktii ho tadbiir rafuu kii
likh diijiyo yaa rab use qismat me.n aduu kii


tarz-e-be-dil me.n reKHta kahnaa
asad allaah KHaa.n qayaamat hai


gaatii thii.n shimro kii begam tanaahaa yaahuu
duudh me.n pakke the shalGam tanaahaa yaahuu

kaa.nTo.n kii zabaa.n suukh ga.ii pyaas se yaa rab
ik aabla-paa vaadi-e-pur-KHaar me.n aave

kam nahii.n jalvagarii me.n, tire kuuche se bahisht
yahii naqsha hai vale is qadar aabaad nahii.n

hai kyaa jo kas ke baa.ndhiye merii balaa Dare
kyaa jaantaa nahii.n huu.n tumhaarii kamar ko mai.n

rone se aur ishq me.n be-baak ho ga.e
dho.e ga.e ham itne ki bas paak ho ga.e


dam-e-vaapsii.n bar-sar-e-raah hai
aziizo ab allaah hii allaah hai

qaasid ke aate aate KHat ik aur likh rakhuu.n
mai.n jaantaa huu.n jo vo likhe.nge javaab me.n

sambhalne de mujhe ai naa-umiidii kyaa qayaamat hai
ki daamaan-e-KHayaal-e-yaar chhuuTaa jaa.e hai mujh se

zikr us parii-vash kaa aur phir bayaa.n apnaa
ban gayaa raqiib aaKHir thaa jo raaz-daa.n apnaa

be-ishq umr kaT nahii.n saktii hai aur yaa.n
taaqat ba-qadr-e-lazzat-e-aazaar bhii nahii.n

na hu.ii gar mire marne se tasallii na sahii
imtihaa.n aur bhii baaqii ho to ye bhii na sahii


shamshiir saaf yaar jo zahraab daada ho
vo KHat sabz hai ki ba ruKHsaar saada ho

dono.n jahaan de ke vo samjhe ye KHush rahaa
yaa.n aa pa.Dii ye sharm ki takraar kyaa kare.n

laazim thaa ki dekho miraa rastaa ko.ii din aur
tanhaa ga.e kyuu.n ab raho tanhaa ko.ii din aur

dekhiye laatii hai us shoKH kii naKHvat kyaa ra.ng
us kii har baat pe ham naam-e-KHudaa kahte hai.n


agar hotaa to kyaa hotaa ye kahiye
na hone par hai.n ye baate.n dahan kii

yaa rab hame.n to KHvaab me.n bhii mat dikhaa.iyo
ye mahshar-e-KHayaal ki duniyaa kahe.n jise

daa.im pa.Daa hu.aa tire dar par nahii.n huu.n mai.n
KHaak aisii zindagii pe ki patthar nahii.n huu.n mai.n

fardaa-o-dii kaa tafraqa yak baar miT gayaa
kal tum ga.e ki ham pe qayaamat guzar ga.ii

hazaaro.n KHvaahishe.n aisii ki har KHvaahish pe dam nikle
bahut nikle mire armaan lekin phir bhii kam nikle

va.ada aane kaa vafaa kiije ye kyaa andaaz hai
tum ne kyuu.n sau.npii hai mere ghar kii darbaanii mujhe

rahe na jaan to qaatil ko KHuu.n-bahaa diije
kaTe zabaan to KHanjar ko marhabaa kahiye

zindagii me.n to vo mahfil se uThaa dete the
dekhuu.n ab mar ga.e par kaun uThaataa hai mujhe

vafaa-daarii ba-shart-e-ustuvaarii asl iimaa.n hai
mare but-KHaane me.n to kaabe me.n gaa.Do birhman ko


kartaa hai gul junuun tamaashaa kahe.n jise
gul-dasta-e-nigaah suvaidaa kahe.n jise

KHudaa sharmaa.e haatho.n ko ki rakhte hai.n kashaakash me.n
kabhii mere garebaa.n ko kabhii jaanaa.n ke daaman ko

daaG-e-firaaq-e-sohbat-e-shab kii jalii hu.ii
ik sham.a rah ga.ii hai so vo bhii KHamosh hai

haa.n ahl-e-talab kaun sune taana-e-naa-yaafat
dekhaa ki vo miltaa nahii.n apne hii ko kho aa.e


‘asad’ bahaar-e-tamaashaa-e-gulistaan-e-hayaat
visaal-e-laala azraan-e-sarv-qaamat hai

yaa-rab zamaana mujh ko miTaataa hai kis liye
lauh-e-jahaa.n pe harf-e-mukarrar nahii.n huu.n mai.n

bulbul ke kaarobaar pe hai.n KHanda-haa-e-gul
kahte hai.n jis ko ishq KHalal hai dimaaG kaa

dil se miTnaa tirii a.ngusht-e-hinaa.ii kaa KHayaal
ho gayaa gosht se naaKHun kaa judaa ho jaanaa

kah sake kaun ki ye jalvagarii kis kii hai
parda chho.Daa hai vo us ne ki uThaa.e na bane

gar tujh ko hai yaqiin-e-ijaabat du.aa na maa.ng
ya.anii baGair-e-yak-dil-e-be-mudda.aa na maa.ng


jo ma.ashuuq-e-zulf-e-dotaa baa.ndhte hai.n
mire sar se kaalii balaa baa.ndhte hai.n

baiThaa hai jo ki saaya-e-diivaar-e-yaar me.n
farmaa.n-ravaa-e-kishvar-e-hinduustaan hai

be-parda suu-e-vaadi-e-majnuu.n guzar na kar
har zarra ke naqaab me.n dil be-qaraar hai

zo.af me.n ta.ana-e-aGyaar kaa shikva kyaa hai
baat kuchh sar to nahii.n hai ki uThaa bhii na sakuu.n

dekhnaa taqriir kii lazzat ki jo us ne kahaa
mai.n ne ye jaanaa ki goyaa ye bhii mere dil me.n hai

mai.n ne junuu.n se kii jo ‘asad’ iltimaas-e-ra.ng
KHuun-e-jigar me.n ek hii Gota diyaa mujhe

letaa huu.n maktab-e-Gam-e-dil me.n sabaq hanuuz
lekin yahii ki raft gayaa aur buud thaa

rahii na taaqat-e-guftaar aur agar ho bhii
to kis umiid pe kahiye ki aarzuu kyaa hai

naa-karda gunaaho.n kii bhii hasrat kii mile daad
yaa rab agar in karda gunaaho.n kii sazaa hai

kyaa KHuub tum ne Gair ko bosa nahii.n diyaa
bas chup raho hamaare bhii mu.nh me.n zabaan hai

sau baar band-e-ishq se aazaad ham hu.e
par kyaa kare.n ki dil hii aduu hai faraaG kaa

laraztaa hai miraa dil zahmat-e-mehr-e-daraKHshaa.n par
mai.n huu.n vo qatra-e-shabnam ki ho KHaar-e-bayaabaa.n par


aaj yak-shambe kaa din hai aa.oge
yaa faqat rasta hame.n batlaa.oge

vaa-hasrataa ki yaar ne khii.nchaa sitam se haath
ham ko hariis-e-lazzat-e-aazaar dekh kar

kaav kaav-e-saKHt-jaanii haa.e-tanhaa.ii na puuchh
sub.h karnaa shaam kaa laanaa hai juu-e-shiir kaa

kyuu.n gardish-e-mudaam se ghabraa na jaa.e dil
insaan huu.n piyaala o saaGar nahii.n huu.n mai.n

mai se Garaz nashaat hai kis ruu-siyaah ko
ik-guuna be-KHudii mujhe din raat chaahiye

in aablo.n se paa.nv ke ghabraa gayaa thaa mai.n
jii KHush hu.aa hai raah ko pur-KHaar dekh kar

bhale hii chhaa.nv na de aasraa to detaa hai
ye aarzuu kaa shajar hai KHizaa.n-rasiida sahii

GHALIB AYAZ

phuu.nkaa hai kis ne gosh-e-mohabbat me.n ai KHudaa
afsuun-e-intizaar tamannaa kahe.n jise

hu.ii jin se tavaqqo KHastagii kii daad paane kii
vo ham se bhii ziyaada KHasta-e-teG-e-sitam nikle

tujh se qismat me.n mirii suurat-e-qufl-e-abjad
thaa likhaa baat ke bante hii judaa ho jaanaa

zid kii hai aur baat magar KHuu burii nahii.n
bhuule se us ne saik.Do.n va.ade vafaa kiye

iimaa.n mujhe roke hai jo khii.nche hai mujhe kufr
ka.aba mire piichhe hai kaliisaa mire aage

karne ga.e the us se taGaaful kaa ham gila
kii ek hii nigaah ki bas KHaak ho ga.e

chho.Duu.ngaa mai.n na us but-e-kaafir kaa puujnaa
chho.De na KHalq go mujhe kaafar kahe baGair

mai.n adam se bhii pare huu.n varna Gaafil baar-haa
merii aah-e-aatishii.n se baal-e-anqaa jal gayaa

misaal ye mirii koshish kii hai ki murG-e-asiir
kare qafas me.n faraaham KHas aashiyaa.n ke liye

jalaa hai jism jahaa.n dil bhii jal gayaa hogaa
kuredte ho jo ab raakh justujuu kyaa hai

faa.eda kyaa soch aaKHir tuu bhii daanaa hai ‘asad’
dostii naadaa.n kii hai jii kaa ziyaa.n ho jaa.egaa

kalkatte kaa jo zikr kiyaa tuu ne ham-nashii.n
ik tiir mere siine me.n maaraa ki haa.e haa.e

chaltaa huu.n tho.Dii duur har ik tez-rau ke saath
pahchaantaa nahii.n huu.n abhii raahbar ko mai.n

be-niyaazii had se guzrii banda-parvar kab talak
ham kahe.nge haal-e-dil aur aap farmaave.nge kyaa

Gair ko yaa rab vo kyuu.nkar mana-e-gustaaKHii kare
gar hayaa bhii us ko aatii hai to sharmaa jaa.e hai

udhar vo bad-gumaanii hai idhar ye naa-tavaanii hai
na puuchhaa jaa.e hai us se na bolaa jaa.e hai mujh se

hai Gaib-e-Gaib jis ko samajhte hai.n ham shuhuud
hai.n KHvaab me.n hunuuz jo jaage hai.n KHvaab me.n

is saadgii pe kaun na mar jaa.e ai KHudaa
la.Dte hai.n aur haath me.n talvaar bhii nahii.n

taa phir na intizaar me.n nii.nd aa.e umr bhar
aane kaa ahd kar ga.e aa.e jo KHvaab me.n

vafaa kaisii kahaa.n kaa ishq jab sar pho.Dnaa Thahraa
to phir ai sa.ng-dil teraa hii sa.ng-e-aastaa.n kyuu.n ho

pak.De jaate hai.n farishto.n ke likhe par naa-haq
aadmii ko.ii hamaaraa dam-e-tahriir bhii thaa

ye na thii hamaarii qismat ki visaal-e-yaar hotaa
agar aur jiite rahte yahii intizaar hotaa


me.n bholaa nahii.n tujh ko a merii jaa.n
karuu.n kyaa ki yaa.n gir rahe hai.n makaa.n

pilaa de ok se saaqii jo ham se nafrat hai
piyaala gar nahii.n detaa na de sharaab to de

aa.iina dekh apnaa saa mu.nh le ke rah ga.e
saahab ko dil na dene pe kitnaa Guruur thaa

mu.nh na dikhlaave na dikhlaa par ba-andaaz-e-itaab
khol kar parda zaraa aa.nkhe.n hii dikhlaa de mujhe

puuchhe hai kyaa vajuud o adam ahl-e-shauq kaa
aap apnii aag ke KHas-o-KHaashaak ho ga.e

hamaare hai.n ab sirf dil-lagii ke ‘asad’
khulaa ki faa.eda arz-e-hunar me.n KHaak nahii.n

yahii hai aazmaanaa to sataanaa kis ko kahte hai.n
aduu ke ho liye jab tum to meraa imtihaa.n kyuu.n ho

mehrbaa.n ho ke bulaa lo mujhe chaaho jis vaqt
mai.n gayaa vaqt nahii.n huu.n ki phir aa bhii na sakuu.n

ne tiir kamaa.n me.n hai na sayyaad kamii.n me.n
goshe me.n qafas ke mujhe aaraam bahut hai

ab jafaa se bhii hai.n mahruum ham allaah allaah
is qadar dushman-e-arbaab-e-vafaa ho jaanaa

nikalnaa KHuld se aadam kaa sunte aa.e hai.n lekin
bahut be-aabruu ho kar tire kuuche se ham nikle

dil hii to hai siyaasat-e-darbaa.n se Dar gayaa
mai.n aur jaa.uu.n dar se tire bin sadaa kiye

jii Dhuu.nDtaa hai phir vahii fursat ki raat din
baiThe rahe.n tasavvur-e-jaanaa.n kiye hu.e

har ik makaan ko hai makii.n se sharaf ‘asad’
majnuu.n jo mar gayaa hai to ja.ngal udaas hai

mohabbat me.n nahii.n hai farq jiine aur marne kaa
usii ko dekh kar jiite hai.n jis kaafir pe dam nikle

vo aa.e ghar me.n hamaare KHudaa kii qudrat hai
kabhii ham un ko kabhii apne ghar ko dekhte hai.n

havas-e-gul ke tasavvur me.n bhii khaTkaa na rahaa
ajab aaraam diyaa be-par-o-baalii ne mujhe

be-dar-o-diivaar saa ik ghar banaayaa chaahiye
ko.ii ham-saaya na ho aur paasbaa.n ko.ii na ho


siniin-e-umr ke sattar hu.e shumaar baras
bahut jiyuu.n to jiyuu.n aur tiin chaar baras

girnii thii ham pe barq-e-tajallii na tuur par
dete hai.n baada zarf-e-qadah-KHvaar dekh kar


piiTh mehraab kii qible kii taraf rahtii hai
mahv-e-nisbat hai.n takalluf hame.n manzuur nahii.n

allaah re zauq-e-dasht-navardii ki ba.ad-e-marg
hilte hai.n KHud-ba-KHud mire andar kafan ke paa.nv

go haath ko jumbish nahii.n aa.nkho.n me.n to dam hai
rahne do abhii saaGar-o-miinaa mire aage

kii us ne garm siina-e-ahl-e-havas me.n jaa
aave na kyuu.n pasand ki ThanDaa makaan hai


dil to ho achchhaa nahii.n hai gar dimaaG
kuchh to asbaab-e-tamannaa chaahiye

jalve kaa tere vo aalam hai ki gar kiije KHayaal
diida-e-dil ko ziyaarat-gaah-e-hairaanii kare

sab kahaa.n kuchh laala-o-gul me.n numaayaa.n ho ga.ii.n
KHaak me.n kyaa suurate.n ho.ngii ki pinhaa.n ho ga.ii.n


sabaa lagaa vo tapaa.nche taraf se bulbul kii
ki ruu-e-Guncha-e-gul suu-e-aashyaa.n phir jaa.e

bhaage the ham bahut so usii kii sazaa hai ye
ho kar asiir daabte hai.n raahzan ke paa.nv

haa.n vo nahii.n KHudaa-parast jaa.o vo bevafaa sahii
jis ko ho diin o dil aziiz us kii galii me.n jaa.e kyuu.n

dashna-e-Gamza jaa.n-sitaa.n naavak-e-naaz be-panaah
teraa hii aks-e-ruKH sahii saamne tere aa.e kyuu.n

sar paa-e-KHum pe chaahiye ha.ngaam-e-be-KHudii
ruu suu-e-qibla vaqt-e-munaajaat chaahiye


KHushii jiine kii kyaa marne kaa Gam kyaa
hamaarii zindagii kyaa aur ham kyaa

kyuu.n na firdaus me.n dozaKH ko milaa le.n yaarab
sair ke vaaste tho.Dii sii jagah aur sahii

rahiye ab aisii jagah chal kar jahaa.n ko.ii na ho
ham-suKHan ko.ii na ho aur ham-zabaa.n ko.ii na ho

chho.Daa na rashk ne ki tire ghar kaa naam luu.n
har ik se puuchhtaa huu.n ki jaa.uu.n kidhar ko mai.n


vo baat chaahte ho ki jo baat chaahiye
saahab ke ham-nashii.n ko karaamaat chaahiye

mai.n ne chaahaa thaa ki andoh-e-vafaa se chhuuTuu.n
vo sitamgar mire marne pe bhii raazii na hu.aa

aa.nkh kii tasviir sar-naame pe khii.nchii hai ki taa
tujh pe khul jaave ki is ko hasrat-e-diidaar hai

khulegaa kis tarah mazmuu.n mire maktuub kaa yaa rab
qasam khaa.ii hai us kaafir ne kaaGaz ke jalaane kii

saabit hu.aa hai gardan-e-miinaa pe KHuun-e-KHalq
larze hai mauj-e-mai tirii raftaar dekh kar

aataa hai daaG-e-hasrat-e-dil kaa shumaar yaad
mujh se mire gunah kaa hisaab ai KHudaa na maa.ng


thaa to KHat par na thaa javaab-talab
ko.ii us kaa javaab kyaa likhtaa

ham se khul jaa.o ba-vaqt-e-mai-parastii ek din
varna ham chhe.De.nge rakh kar uzr-e-mastii ek din

qarz kii piite the mai lekin samajhte the ki haa.n
ra.ng laavegii hamaarii faaqa-mastii ek din

dekhnaa qismat ki aap apne pe rashk aa jaa.e hai
mai.n use dekhuu.n bhalaa kab mujh se dekhaa jaa.e hai

taa.at me.n taa rahe na mai-o-a.ngbii.n kii laag
dozaKH me.n Daal do ko.ii le kar bahisht ko

hai.n aaj kyuu.n zaliil ki kal tak na thii pasand
gustaaKHi-e-farishta hamaarii janaab me.n


ho kar shahiid ishq me.n paa.e hazaar jism
har mauj-e-gard-e-raah mire sar ko dosh hai

hairaa.n huu.n dil ko ro.uu.n ki piiTuu.n jigar ko mai.n
maqduur ho to saath rakhuu.n nauhagar ko mai.n

tire va.ade par jiye ham to ye jaan jhuuT jaanaa
ki KHushii se mar na jaate agar e’tibaar hotaa


mai.n qaa.il-e-KHudaa-o-nabii-o-imaam huu.n
banda KHudaa kaa aur alii kaa Gulaam huu.n

vo chiiz jis ke liye ham ko ho bahisht aziiz
sivaa.e baada-e-gulfaam-e-mushk-buu kyaa hai


timsaal-e-jalva arz kar ai husn kab talak
aa.iina-e-KHayaal ko dekhaa kare ko.ii


natiija apnii aaho.n kaa hai shakl-e-mustavii puuraa
hayuulaa suurat-e-kaabuus phir KHvaab-e-giraa.n kyuu.n ho

agle vaqto.n ke hai.n ye log inhe.n kuchh na kaho
jo mai o naGma ko andoh-rubaa kahte hai.n

hai KHayaal-e-husn me.n husn-e-amal kaa saa KHayaal
KHuld kaa ik dar hai merii gor ke andar khulaa

sataa.ish-gar hai zaahid is qadar jis baaG-e-rizvaa.n kaa
vo ik gul-dasta hai ham be-KHudo.n ke taaq-e-nisyaa.n kaa

kyuu.n jal gayaa na taab-e-ruKH-e-yaar dekh kar
jaltaa huu.n apnii taaqat-e-diidaar dekh kar

ta.ngi-e-dil kaa gila kyaa ye vo kaafir-dil hai
ki agar ta.ng na hotaa to pareshaa.n hotaa

kii mire qatl ke ba.ad us ne jafaa se tauba
haa.e us zuud-pashiimaa.n kaa pashiimaa.n honaa

tum jaano tum ko Gair se jo rasm-o-raah ho
mujh ko bhii puuchhte raho to kyaa gunaah ho

partav-e-KHur se hai shabnam ko fanaa kii ta.aliim
mai.n bhii huu.n ek inaayat kii nazar hote tak

pur huu.n mai.n shikve se yuu.n raag se jaise baajaa
ik zaraa chhe.Diye phir dekhiye kyaa hotaa hai

ghar me.n thaa kyaa ki tiraa Gam use Gaarat kartaa
vo jo rakhte the ham ik hasrat-e-taamiir so hai

ye fitna aadmii kii KHaana-viiraanii ko kyaa kam hai
hu.e tum dost jis ke dushman us kaa aasmaa.n kyuu.n ho

mai.n aur bazm-e-mai se yuu.n tishna-kaam aa.uu.n
gar mai.n ne kii thii tauba saaqii ko kyaa hu.aa thaa

buu-e-gul naala-e-dil duud-e-charaaG-e-mahfil
jo tirii bazm se niklaa so pareshaa.n niklaa


ha.nste hai.n dekh dekh ke sab naa-tavaa.n mujhe
ye ra.ng zard hai chaman zaafaraa.n mujhe


dekhtaa huu.n use thii jis kii tamannaa mujh ko
aaj bedaarii me.n hai KHvaab-e-zuleKHaa mujh ko

dikhaa ke jumbish-e-lab hii tamaam kar ham ko
na de jo bosa to mu.nh se kahii.n javaab to de


puuchhe hai kyaa ma.aash-e-jighar taftagaan-e-ishq
juu.n sham.a aap apnii vo KHuuraak ho ga.e

nazar lage na kahii.n us ke dast-o-baazuu ko
ye log kyuu.n mire zaKHm-e-jigar ko dekhte hai.n

bosa dete nahii.n aur dil pe hai har lahza nigaah
jii me.n kahte hai.n ki muft aa.e to maal achchhaa hai

sohbat me.n Gair kii na pa.Dii ho kahii.n ye KHuu
dene lagaa hai bosa baGair iltijaa kiye

kii vafaa ham se to Gair is ko jafaa kahte hai.n
hotii aa.ii hai ki achchho.n ko buraa kahte hai.n

KHuub thaa pahle se hote jo ham apne bad-KHvaah
ki bhalaa chaahte hai.n aur buraa hotaa hai

gar kiyaa naaseh ne ham ko qaid achchhaa yuu.n sahii
ye junuun-e-ishq ke andaaz chhuT jaave.nge kyaa

ye kahaa.n kii dostii hai ki bane hai.n dost naaseh
ko.ii chaarasaaz hotaa ko.ii Gam-gusaar hotaa


jaur-e-zulf kii taqriir pech-taab-e-KHaamoshii
hind me.n ‘asad’ naalaa.n naala dar safaahaa.n hai

yaa-rab vo na samjhe hai.n na samjhe.nge mirii baat
de aur dil un ko jo na de mujh ko zabaa.n aur

yuu.n hii gar rotaa rahaa ‘Gaalib’ to ai ahl-e-jahaa.n
dekhnaa in bastiyo.n ko tum ki viiraa.n ho ga.ii.n

is nazaakat kaa buraa ho vo bhale hai.n to kyaa
haath aave.n to unhe.n haath lagaa.e na bane

kyaa farz hai ki sab ko mile ek saa javaab
aa.o na ham bhii sair kare.n koh-e-tuur kii

aaj vaa.n teG o kafan baa.ndhe hu.e jaataa huu.n mai.n
uzr mere qatl karne me.n vo ab laave.nge kyaa

zabaa.n pe baar-e-KHudaayaa ye kis kaa naam aayaa
ki mere nutq ne bose mirii zabaa.n ke liye

yuusuf us ko kaho aur kuchh na kahe KHair hu.ii
gar biga.D baiThe to mai.n laa.iq-e-taaziir bhii thaa

umr bhar kaa tuu ne paimaan-e-vafaa baa.ndhaa to kyaa
umr ko bhii to nahii.n hai paa.edaarii haa.e haa.e

rashk kahtaa hai ki us kaa Gair se iKHlaas haif
aql kahtii hai ki vo be-mehr kis kaa aashnaa

garche hai tarz-e-taGaaful parda-daar-e-raaz-e-ishq
par ham aise kho.e jaate hai.n ki vo paa jaa.e hai

hai ab is maamuure me.n qaht-e-Gam-e-ulfat ‘asad’
ham ne ye maanaa ki dillii me.n rahe.n khaave.nge kyaa

ra.nj se KHuugar hu.aa insaa.n to miT jaataa hai ra.nj
mushkile.n mujh par pa.Dii.n itnii ki aasaa.n ho ga.ii.n

mohabbat thii chaman se lekin ab ye be-dimaaGii hai
ki mauj-e-buu-e-gul se naak me.n aataa hai dam meraa


KHudaa se mai.n bhii chaahuu.n az-rah-e-mehr
faroG-e-miirzaa-haatim-alii-‘mehr’

samajh ke karte hai.n baazaar me.n vo pursish-e-haal
ki ye kahe ki sar-e-rahguzar hai kyaa kahiye


yaad aayaa jo vo kahnaa ki nahii.n vaah Galat
kii tasavvur ne ba-sahraa-e-havas raah Galat

nii.nd us kii hai dimaaG us kaa hai raate.n us kii hai.n
terii zulfe.n jis ke baazuu par pareshaa.n ho ga.ii.n

ye laash-e-be-kafan ‘asad’-e-KHasta-jaa.n kii hai
haq maGfirat kare ajab aazaad mard thaa


piinas me.n guzarte hai.n jo kuuche se vo mere
kandhaa bhii kahaaro.n ko badalne nahii.n dete


do-ra.ngiyaa.n ye zamaane kii jiite-jii hai.n sab
ki murdo.n ko na badalte hu.e kafan dekhaa

mai.n ne kahaa ki bazm-e-naaz chaahiye Gair se tihii
sun ke sitam-zariif ne mujh ko uThaa diyaa ki yuu.n

us lab se mil hii jaa.egaa bosa kabhii to haa.n
shauq-e-fuzuul o jur.at-e-rindaana chaahiye


KHudaa ke ba.ad nabii aur nabii ke ba.ad imaam
yahii hai maz.hab-e-haq vassalaam val-ikraam


sar-rishta-e-betaabii-e-dil dar-girah-e-ijz
parvaaz baKHuu.n KHufta-o-faryaad-rasaa hai

jab tak ki na dekhaa thaa qad-e-yaar kaa aalam
mai.n mo’taqid-e-fitna-e-mahshar na hu.aa thaa

kyuu.n na Thahre.n hadaf-e-naavak-e-be-daad ki ham
aap uThaa lete hai.n gar tiir KHataa hotaa hai


taa-qayaamat shab-e-furqat me.n guzar jaa.egii umr
saat din ham pe bhii bhaarii hai.n sahar hone tak

dhotaa huu.n jab mai.n piine ko us siim-tan ke paa.nv
rakhtaa hai zid se khii.nch ke baahar lagan ke paa.nv

ye ham jo hijr me.n diivaar-o-dar ko dekhte hai.n
kabhii sabaa ko kabhii naama-bar ko dekhte hai.n


be-chaara kitnii duur se aayaa hai shaiKH-jii
ka.abe me.n kyuu.n dabaa.e.n na ham barahman ke paa.nv

qaid-e-hayaat o band-e-Gam asl me.n dono.n ek hai.n
maut se pahle aadmii Gam se najaat paa.e kyuu.n

kisii ko de ke dil ko.ii navaa-sa.nj-e-fuGaa.n kyuu.n ho
na ho jab dil hii siine me.n to phir mu.nh me.n zabaa.n kyuu.n ho

hai tamaashaa-gaah-e-soz-e-taaza har yak uzv-e-tan
juu.n charaaGaan-e-divaalii saf-ba-saf jaltaa huu.n mai.n

Gam-e-hastii kaa ‘asad’ kis se ho juz marg ilaaj
sham.a har ra.ng me.n jaltii hai sahar hote tak

mai.n bhii ruk ruk ke na martaa jo zabaa.n ke badle
dashna ik tez saa hotaa mire Gam-KHvaar ke paas

apnii galii me.n mujh ko na kar dafn baad-e-qatl
mere pate se KHalq ko kyuu.n teraa ghar mile

ko.ii mere dil se puuchhe tire tiir-e-niim-kash ko
ye KHalish kahaa.n se hotii jo jigar ke paar hotaa

har ek baat pe kahte ho tum ki tuu kyaa hai
tumhii.n kaho ki ye andaaz-e-guftuguu kyaa hai

mai vo kyuu.n bahut piite bazm-e-Gair me.n yaa rab
aaj hii hu.aa manzuur un ko imtihaa.n apnaa


niyaaz-e-ishq KHirman-soz-e-asbaab-e-havas behtar
jo ho jaave nisaar-e-barq musht-e-KHaar-o-KHas behtar

bandagii me.n bhii vo aazaada o KHud-bii.n hai.n ki ham
ulTe phir aa.e dar-e-kaaba agar vaa na hu.aa


haalat tire aashiq kii ye ab aan banii hai
a.azaa-shikanii ho chukii ab jaa.n-shiknii hai


gar musiibat thii to Gurbat me.n uThaa letaa ‘asad’
merii dillii hii me.n honii thii ye KHvaarii haa.e haa.e


az dil-e-har-dard-mandii josh-e-betaabii zadan
ai hama be-mudda.aaii yak du.aa ho jaa.iye

hazrat-e-naaseh gar aave.n diida o dil farsh-e-raah
ko.ii mujh ko ye to samjhaa do ki samjhaa.e.nge kyaa


masjid ke zer-e-saaya ik ghar banaa liyaa hai
ye banda-e-kamiina ham-saaya-e-KHudaa hai

hu.e mar ke ham jo rusvaa hu.e kyuu.n na Garq-e-dariyaa
na kabhii janaaza uThtaa na kahii.n mazaar hotaa

ai navaa-saaz-e-tamaashaa sar-ba-kaf jaltaa huu.n mai.n
ik taraf jaltaa hai dil aur ik taraf jaltaa huu.n mai.n

daam-e-har-mauj me.n hai halqa-e-sad-kaam-e-naha.ng
dekhe.n kyaa guzre hai qatre pe guhar hote tak

dil me.n zauq-e-vasl o yaad-e-yaar tak baaqii nahii.n
aag is ghar me.n lagii aisii ki jo thaa jal gayaa


jis din se ki ham Gam-zada zanjiir bapaa hai.n
kap.Do.n me.n javii.n baKHiye ke Taa.nko.n se sivaa hai.n

mujh tak kab un kii bazm me.n aataa thaa daur-e-jaam
saaqii ne kuchh milaa na diyaa ho sharaab me.n

na thaa kuchh to KHudaa thaa kuchh na hotaa to KHudaa hotaa
Duboyaa mujh ko hone ne na hotaa mai.n to kyaa hotaa

bisaat-e-ijz me.n thaa ek dil yak qatra KHuu.n vo bhii
so rahtaa hai ba-andaaz-e-chakiidan sar-niguu.n vo bhii


buto tauba karo tum kyaa ho jab e’tibaar aataa hai
tuu yuusuf saa hasii.n bikne sar-e-baazaar aataa hai

kaam us se aa pa.Daa hai ki jis kaa jahaan me.n
leve na ko.ii naam sitam-gar kahe baGair

jab mai-kada chhuTaa to phir ab kyaa jagah kii qaid
masjid ho madrasa ho ko.ii KHaanqaah ho

un ke dekhe se jo aa jaatii hai mu.nh par raunaq
vo samajhte hai.n ki biimaar kaa haal achchhaa hai

Gam agarche jaa.n-gusil hai pa kahaa.n bache.n ki dil hai
Gam-e-ishq gar na hotaa Gam-e-rozgaar hotaa


bahaar-e-shoKH-o-chaman-ta.ng-o-ra.ng-e-gul dilchasp
nasiim-e-baaG se paa-dar hinaa nikaltii hai

kabhii nekii bhii us ke jii me.n gar aa jaa.e hai mujh se
jafaa.e.n kar ke apnii yaad sharmaa jaa.e hai mujh se


zaraa kar zor siine par ki tiir-e-pur-e-sitam nikle
jo vo nikle to dil nikle jo dil nikle to dam nikle


zaKHm-e-dil tum ne dikhaayaa hai ki jii jaane hai
aise ha.nste ko rulaayaa hai ki jii jaane hai


in dil-farebiyo.n se na kyuu.n us pe pyaar aa.e
ruuThaa jo be-gunaah to be-uzr man gayaa

na luTtaa din ko to kab raat ko yuu.n be-KHabar sotaa
rahaa khaTkaa na chorii kaa du.aa detaa huu.n rahzan ko


thakaa jab qatra-e-be-dast-o-paa baalaa daviidan se
za-bahr-e-yaadgaarii-haa girah detaa hai gauhar kii


naa-tavaa.ii ne na chho.Daa bas ki pesh az aks-e-jism
muft vaa gustardanii hai farsh-e-KHvaab aa.iine par


maza to jab hai ki ai aah-e-naa-rasaa ham se
vo KHud kahe ki bataa terii aarzuu kyaa hai

kahuu.n kis se mai.n ki kyaa hai shab-e-Gam burii balaa hai
mujhe kyaa buraa thaa marnaa agar ek baar hotaa

dil hii to hai na sa.ng-o-KHisht dard se bhar na aa.e kyuu.n
ro.e.nge ham hazaar baar ko.ii hame.n sataa.e kyuu.n


naqsh-e-satr-e-sad-tabassum hai bar-aab-e-zer-e-kaah
husn kaa KHat par nihaa.n KHandiidanii andaaz hai


roz is shahr me.n ik hukm nayaa hotaa hai
kuchh samajh me.n nahii.n aataa hai ki kyaa hotaa hai

 

(हिंदी में पढ़े)

——————–

Leave a Comment